طريقة عمل كباب فى المنزل

طريقة عمل كباب فى المنزل, تحضير الكباب البيتى
بمناسبة اقتراب عيد الاضحى المبارك و علشان اللحوم بانوعها سوى كانت لحمه بتلو او لحمة ضأنى او لحم ماعز الخ الخ اللى دايما بتخلينا محتارين نعمل ايه و خصوصا الكباب له شعبيه كبيره فى بلاد العرب انهارده هنشرح طريقة عمل الكباب او الكفته فى المنزل


الكباب البيتى



مقادير ومكونات عمل الكباب فى المنزل
لحم بتلو أو ضاني ( الكميه حسب الرغبه )
- بصل مفروم نـاعم
- بصل مكعبات_ فلفل رومي _ طماطم مكعبات _ملح _ فلفل أسود _ بهـارت لحمه _عصير ليمون _ السمـاق اللبناني (( ممكن استبداله بقشر الرمـان )) قطعة فحم أسود


طريقة تحضير الكباب فى المنزل
أولاً : ضعي على البصل ملح وفلفل أسود وأدعكيه كويس .. وأتركيه لحد مـا ينزل مـاء البصل
ثانياً : قطعي اللحم لمكعبات متوسطه وضعيهـا في وعاء غويط وضعي عليها ماء البصل
والليمون والبهـارات والسمـاق




وتـركيهـا لمدة سـاعه ونصف على الاقـل
تعـالي نجهــر باقي الخطوات:
قطعي البصل مكعبات والطماطم مكعبات والفلفل الرومي
وجهزي الاسياخ المطلوبه .. ممكن خشب أو عـاديه حسب الرغبه .. وشغلي الشوايه للتسخين طبعاً ضعي بيهـا مـاء
وابدأي بـترتيب اللحمه والطماطم والبصل والفلفل الرومي بالشكـل دا

وأتركيهـا على الشوايه .. لكن أوعي تنسي
كل شويه بصي عليهـا وضيفي قليل من المـاء
كل شويه .. وممكن أضافة اي شيء في الماء
مثل قرفه .. حبهان .. قرنقل.. أي شيء
تحبيه يعطي طعم لهـا طبعاً حسب الرغبه

وطبعاً قلبيهـا من جهه لجهه لمده نصف سـاعه
أوعى تسبيهـا أكتر من كدا علشان بتنشف
وبعد كدا أنقليهـا في صنية فرن وغطيهـا بورق
الفـويـل أو الاكيـاس الحراريه
وأتركيهـا في الفرن لحد ما تستوي
بعـد كدا ضعي الفحمه على النـار واتركيهـا لحد مـا تحمـر جداً وبعدهـا أفتحي غطاء الصنيه
وضعيهـا في النصف علشان تعطي رااااائحه جنـااااااان
وبعد كدا طلعيهـا في طبق التقديم
بالشكل دا


وضعي جنبهـا الارز الابيض والسلطات و الطحينه