طريقة عمل اللانشون فى المنزل بالصور احلا وانضف من الجاهز

حبيبة الرحمن: كبار الأحبة; تاريخ التسجيل : 13/10/2011
عدد المساهمات : 575
العمر : 55

مساهمة رقم 1

طريقة عمل اللانشون فى المنزل بالصور احلا وانضف من الجاهز

مُساهمة من طرف حبيبة الرحمن الجمعة 30 ديسمبر 2011, 8:49 pm

لانشون بيتى ولا ضرر الجاهز
لانشون امن ونضيف
جربوه مش هتندمو وادعولى و وحشتونى بس شغل البيت قارفنى

المقادير

- حوالي 400 جرام صدور فرخه مخليه من العضم والجلد
- بيضة كاملة مع بياض بيضة تانيه
- شريحة بصل كبيرة
- ربع فص توم من الكبير او فصين تلاته متوسطين
- معلقتين ونص كبار بقسماط مطحون
- معلقة كبيرة دقيق
- معلقة صغيرة مستردة
- معلقة صغيرة زيت زتون او اي نوع
- شريحة طماطم صغيرة
- روز ماري 4 اعواد صغيرين

- شعره من كل نوع ( جنزبيل - بهارات لحمة - فلفل اسمر - كبابة صيني )

مقادير الماء المغلي ( اللي هانسوي فيها اللانشون)

باقي البصلة اللى خدنا منها الشريحه قطعيها شرايح وشوية حبهان وورق لورا وروز ماري وبهارات

الطريقة

اولا هنحط كل مقادير اللانشون في الكبة او الكيتشين او الفود بروسيسور او المفرمه اي حاجة عندك تكون بتنعم اوي
ونفرمهم كويس جدا جدا كل ما تنعم الخلطه كل ما تكون احسن

هنجيب ورقة فويل او الامونيا ونفردها على الرخامة ونفرد فوقيها بلاستيك بتاع الاكل زي مافي الصورة كده

وبعدين نفرد عليهم الخلطة وممكن نضيف عليها في الخطوة دي حبوب فلفل اسمر او زيتون مخلي ومتقطع

وبعدين نلف العجينة في البلاستيك الاول كويس على شكل اسطوانة وحاولي تطلعي منها الهوا

وبعدين نلفها بورق الفويل

حضري حلة واسعة واملي ثلثينها مياه وحطي فيها مقادير مياه الغلي زي ماكتبت فوق

بعد ماتغلي المياه لمده 5 دقايق حطي بقى لفة اللانشون وغطي عليها وسيبيها على النار لمدة نص ساعة تغلي

بعد كده طلعيها وفكيها من الورق وسيبيها تبرد خالص وبعدين قطعيها زي ماانتي عايزة وقدميها وده الشكل النهائي